Policia e Korçës ka vënë në pranga një 43-vjeçar dhe nipin e tij 20-vjeçar, pasi akuzohen për prerje të paligjshme të pyjeve. Burime zyrtare nga policia lokale bëjnë të ditur se xhaxha e nip, Jani dhe Kristo Ibrahimaj, janë arrestuar në flagrancë duke transportuar lëndë drusore, me 4 kafshë, pa dokumentacionin përkatës.
“Në kuadër të planit të veprimit Task-Forcë “Roja i gjelbër”, për parandalimin e prerjes së paligjshme të pyjeve, specialistët e Seksionit për Krimet, arrestuan në flagrancë shtetasit: Jani Ibrahimaj, 43 vjeç , Kristo Ibrahimaj, 20 vjeç, (nipi i tij), banues në fshatin Pirg. Arrestimi i tyre u bë pasi u kapën në flagrancë nga shërbimet e Policisë duke transportuar lëndë drusore, me 4 kafshë, për të cilën nuk zotëronin dokumentacionin përkatës.”- thuhet në njoftimin e Policisë së Korçës.
Materialet i kaluan Prokurorisë së Rrethit Gjyqësor Korçë, për veprën penale: “Prerja e paligjshme e pyjeve” parashikuar nga neni 205 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
