Ja me kë duhet të martoheni sipas Horoskopit

Zbuloni shumë për lidhjen tuaj, duke u bazuar në datën e martesës suaj

Ashtu siç ekziston horoskopi, sipas datës së lindjes, ekziston edhe sipas datës së martesës, ndërsa zbulon se si janë radhitur yjet atë ditë, dhe se çfarë ju ka përgatitur fati për të ardhmen. Gjejeni datën, në të cilën jeni martuar në kuadër të njërës prej shenjave të horoskopit dhe kjo do t’ju tregojë se nën cilën shenjë jeni martuar, cilat janë karakteristikat e saj dhe çfarë mund të pritni, transmeton gazeta Kosova Sot Online.

DASHI – (21 Mars – 19 Prill)

Partnerët në martesë nën shenjën e Dashit janë gjithmonë dinamikë dhe nuk do të kenë shumë ditë monotone në jetën e tyre. Mes tyre ka gjithmonë mosmarrëveshje, por të gjitha problemet i zgjidhin kryesisht me seks të zjarrtë. Ndoshta njerëzve të tjerë lidhja e tyre u duket sikur nuk ka të ardhme, por ata ia dalin që t’i zgjidhin të gjitha problemet, e kështu do të jetë edhe në të ardhmen, sepse janë të sinqertë dhe shumë të afërt.

DEMI – (20 Prill – 20 Maj)

Karakteristikë e lidhjes së tyre është një raport i qëndrueshëm i mbushur me pasion dhe momente romantike. Partnerët e martuar nën shenjën e Demit janë shumë të afërt njëri me tjetrin, por nganjëherë e teprojnë në këtë, dhe atë deri në një masë kur i lënë anash njerëzit e tjerë rreth vetes, gjë që nuk i bën mirë lidhjes së tyre.

BINJAKËT – (21 Maj – 20 Qershor)

Partnerët në lidhje nën shenjën e Binjakëve janë pothuajse më shumë miq sesa dashnorë, edhe pse u pëlqen shumë seksi. Janë miq të mirë dhe jetojnë një jetë të rehatshme njëri me tjetrin. Preferojnë daljet dhe shoqërimet, ndërsa jeta në paqe dhe qetësi u duket e paimagjinueshme. Kryesisht nuk janë xhelozë ndaj njëri-tjetrit, ndërsa kërcënim i madh për martesën e tyre është dëshira e tyre për argëtim dhe shoqërim e cila mund t’i largojë njërin prej tjetrit.

GAFORRJA – (21 Qershor – 22 Korrik)

Kjo lidhje do të jetë e mbushur me butësi dhe romantikë, ndërsa partnerët nuk do të mund të qëndrojnë gjatë larg njëri-tjetrit. Atyre kurrë nuk do t’u mungojnë butësia dhe ngrohtësia, e të dy dëshirojnë që të kenë familje të madhe me shumë fëmijë. Anë e keqe e martesës së tyre është përkushtimi tepër i madh reciprok, sepse partnerët nuk dëshirojnë që të shkojnë askund pa njëri-tjetrin.

LUANI – (23 Korrik – 22 Gusht)

Martesa e filluar nën shenjën e Luanit është e mbushur me pasion, por edhe me momente dramatike. Mund të thuhet me siguri të madhe se në këtë lidhje nuk ka monotoni. Ata janë në gjendje që në një moment të grinden, e në tjetrin të çojnë dashuri me plot pasion. Megjithatë, sido që të jetë, gjithmonë qëndrojnë bashkë dhe para të tjerëve nuk tregojnë se kanë ndonjë problem në lidhjen e tyre.

VIRGJËRESHA – (23 Gusht – 22 Shtator)

Lidhja e kurorëzuar nën shenjën e Virgjëreshës është jetëgjatë dhe e qëndrueshme, e të dy partnerët kënaqen në ndjenjën e sigurisë së shtëpisë familjare dhe një gjë e tillë vetëm e forcon edhe më shumë lidhjen e tyre. Grindjet dramatike te ta janë shumë të rralla, sepse më shumë e preferojnë bisedën e sinqertë në lidhje me secilin problem. Mangësi e kësaj lidhjeje nganjëherë mund të jetë mungesa e pasionit, transmeton gazeta Kosova Sot Online.

PESHORJA – (23 Shtator – 22 Tetor)

Kjo martesë është e mbushur me butësi dhe momente romantike, ndërsa dashuria është në vend të parë. Parterët kujdesen shumë mirë njëri për tjetrin dhe përpiqen që të mos e lëndojnë partnerin e jetës. Pasionin e mirëmbajnë në dalje romantike, siç janë darkat. Grinden shumë rrallë, e kjo mund të paraqesë problem sepse mes tyre mund të mungojë sinqeriteti, e një gjë e tillë çon deri te shtypja e problemeve, gjë që mund të përfundojë shumë keq.

AKREPI – (23 Tetor – 21 Nëntor)

Mes partnerëve të martuar nën këtë shenjë gjithçka është e mbushur me emocione, ndërsa lidhja e tyre është e mbushur me plot pasion. Seksi për ta është shumë i rëndësishëm, e madje edhe arsye më e rëndësishme për mbijetesë të lidhjes. Në këtë martesë mund të ketë shumë xhelozi dhe grindje, gjë që e vendosë atë në një sprovë të madhe. Nëse dëshirojnë që martesa t’u zgjasë, të dy duhet të tregojnë më shumë tolerancë.

SHIGJETARI – (22 Nëntor – 21 Dhjetor)

Partnerët në këtë lidhje reciprokisht respektohen shumë dhe përpiqen që ta kuptojnë njëri-tjetrin. Ata kanë shumë besim mes tyre kështu që në martesë nuk ka vend për shumë dyshime dhe xhelozi. Ata janë shumë të afërt dhe mes tyre nuk ka fshehtësi, ndërsa të dy janë të vetëdijshëm se sa e rëndësishme është që partneri ta ketë një dozë të caktuar të lirisë dhe pavarësisë.

BRICJAPI – (22 Dhjetor – 19 Janar)

Kjo lidhje është e qëndrueshme dhe parterët në të ndjehen të sigurt. Momentet romantike në të nuk janë në vend të parë, por është respektimi reciprok. Grindje dhe manipulime në martesat nën shenjën e Bricjapi janë të pakta, ndërsa partnerët problemet i zgjidhin menjëherë. Edhe nëse ndodhë ndonjë grindje e madhe, një gjë e tillë është vetëm mundësi për ta që të bisedojnë në mënyrë të sinqertë. Partnerët në këtë martesë duhet të punojnë pak në aspektin e intimitetit, në mënyrë që të mos humbet afërsia mes tyre, transmeton gazeta Kosova Sot Online.

UJORI – (20 Janar – 18 Shkurt)

Këtu bëhet fjalë për një lidhje të pazakontë, por interesante, në të cilën partnerët përshtaten në mënyrë të përkryer dhe janë në rrugë të mirë për martesë të gjatë dhe lumturi, edhe pse njerëzit e tjerë mund të mendojnë se ata nuk kanë një të ardhme të gjatë. Mes tyre nuk ka xhelozi, por mund të paraqitet nevoja për imponim të disa shprehive ose dëshirave për ta ndryshuar njëri-tjetrin, e një gjë e tillë mund t’ua shkatërrojë lidhjen

PESHQIT – (19 Shkurt – 20 Mars )

Martesa nën shenjën e Peshqve ka predispozitë të mirë që të jetë e fortë, e qëndrueshme dhe e mbushur me dashuri, nganjëherë mund të vijë edhe deri te grindja, sikur edhe në lidhjet e tjera, por të dy partnerët janë shumë të kujdesshëm dhe përpiqen që t’i zgjidhin të gjitha problemet në mënyrë që të mos e lëndojnë njëritjetrin, e me gjithë dëshirë edhe e sakrifikojnë veten vetëm për ta shpëtuar lidhjen. Në martesën e tyre ka shumë butësi, romantikë dhe lidhshmëri të thellë.

/DRONI.al/