Edhe në seancën e sotme të Kuvendit, opozita vijoi të mbajë të njëjtin qëndrimin ndaj parlamentit, deri në plotësimin e kërkesës së saj për respektimin e vendimeve të Gjykatës Kushtetuese për deputetët e PS-së, Rakip Suli dhe Valentina Leskaj, të akuzuar nga PD për përfitim të fondeve publike.
Kreu i grupit të PD-së, Paloka tha se qeveria u përpoq të mbante të fshehura mesazhet e komisionerit Hahn, gjatë vizitës së tij në Tiranë. Me tej Paloka tha se “4 janë mesazhet kryesore që dha në Tiranë, përfaqësuesi i lartë i Bashkimit Europian. E para ai kërkoi zbatimin e vendimeve të Gjykatës Kushtetuese.
Sipas Palokës, Hahn kërkoi gjithashtu nisjen e zbatimit pa vonesë të ligjit të dekriminalizimit. Komisioneri për zgjerimin ka kërkuar po ashtu të punohet për të siguruar zgjedhje të lira e të ndershme. Dhe, një mesazh tjetër i qartë dhe i rëndësishëm, sipas PD është se Hahn ka kërkuar dialog politik mes pozitës dhe opozitës për reformën në drejtësi.
“Ne nuk kemi vënë asnjë kusht, nuk vemi kushte, e ca më tepër mandatet e deputeteve, ishte Rama ai që vinte kushte të tilla. Ne kërkojmë zbatimin e Kushtetutës, atyre ju interesojnë mandatet, ne jem të interesuar për Kushtetutën, zbatimin e vendimeve të Gjykatës Kushtetuese”- deklaroi Paloka.
Menjëherë pas fjalës së Palokës, kolegët deputetë të djathtë u cuan në këmbë dhe pushtuan foltoren e Kuvendit. Deputetët nisën protestën në foltoren e Kuvendit, duke qëndruar në këmbë dhe duke mos lejuar mbajtjen e fjalimeve. Më pas kryeparlamentari Meta vendos 5 minuta pushim.
Por gjatë pushimit në bisedë tetefonike për median deputeti Rakip Suli ka thënë se do të bëjë të njëjtën gjë si Valentina Leskaj, ku do ti drjetohet Kuvednit që ta coj mandatin e tij në Gjykatën Kushtetuese.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
