U deklarua se pengmarrësi i avionit egjiptian ishte një burrë i dëshpëruar për ish-gruan e tij, të cilës i kishte shkruar edhe një letër.
Por, pas hetimeve, gjithçka duket se ka ndryshuar, pasi pengmarrësi rezulton të jetë një tjetër person identifikuar si Seif El Din Mustafa. Mësohet se pengjet janë liruar dhe se pengmarrësi është arrestuar.
Lajmin e ka konfirmuar vetë ministri i Punëve të Jashtme të Qipros, sipas të cilit, rrëmbyesi është pikërisht Seif El Din Mustafa.
Thuhet se ky kishte marrë peng avionin në këmbim të kërkesës për lirimin e disa të burgosurve në Egjipt.
Megjithatë, disa media të tjera shkruajnë se historia është e njëjtë, por ndryshon emri i pengmarrësit.
Arrestohet pengmarrësi, konfuzion për rrëmbimin e avionit egjiptian
