DETAJE/ Shkodër, plagosja e kambistit, policia jep të dhënat e para

Vendi ku ndodhi plagosja

Sipas policisë Vendore të Shkodrës, plagosja e sotme në këtë qytet ka ndodhur rreth orës 06:30 në lagjen “Kongresi Përmetit”, të qytetit. Sipas policisë, është qëlluar në rrugë me armë zjarri Berhan Vishnja rreth 52 vjeç, i cili është dërguar në Spitalin Rajonal Shkodër momentalisht jashtë rrezikut për jetën.
Atij ju zu prite pranë kryqëzimit të Zdrales, në afërsi të Stadiumit “Loro Borici”.
Sapo 52- vjeçari Vishnja ka mbërritur në zonë dhe është ndaluar për të parkuar,  pranë tij ka kaluar një motoçikletë me 2 persona, të cilët pasi iu afruan automjetit qëlluan disa herë në drejtim të tij.
Për pasoje Vishnja ka mbetur i plagosur dhe u dergua me urgjencë në spitalin rajonal të Shkodrës. Autorët janë larguar menjëherë nga vendngjarja, ndersa dëshmitarët okular i kanë ardhur në ndihmë Vishnjes.
Pas ndërhyrjes kirurgjikale ai ndodhet jashtë rrezikut për jetën dhe sipas bluzave të bardha 3 plumba e kane prekur atë, 2 në krah dhe një 1 në pjesën e barkut.
Menjëherë në vendngjarje kanë mbërritur forcat policore dhe po punojnë për identifikimin dhe kapjen e autorit/ve.
Sipas dëshmive të para, 2 autorët që kanë qenë në motoçikletë kanë pasur në kokë skafandra çka e bën më të vështirë identifikimin e tyre.
Si prove materiale policia ka sekuestruar  pamjet filmike të disa bizneseve aty pranë, për të mundësuar zbardhjen e ngjarjes. Ende nuk dihet nëse Vishnja ka pasur konflikte te mëparshme me shtetasit në fjalë apo ka qenë tentative grabitje.
Grupi hetimor në vendngjarje po punon për sqarimin e  rrethanave  të ngjarjes.

Vendi ku ndodhi plagosja

/DRONI.al/