Lakraui është i pari majtas në foto. Personi i përcaktuar si Lakraui sot paradite me kapele është gjallë dhe ende në kërkim
Terroristi Najim Laakraui është personi i dytë që hodhi veten në erë në aeroportin e Brukselit sipas gazetës belge “De Standaard”. Gazeta shkruan se terroristi është gjetur mes viktimave dhe lajmin e konfirmojnë familjarë të tij. Por, lajmi nuk konfirmohet nga hetuesit.
Laakraui i njohur edhe si Soufiane Kayal, ishte një nga të dyshuarit për pjesëmarrje në sulmet e Parisit. Me një kartë identiteti false me emrin Soufiane Kayal, ai kaloi kufirin Hungari-Austri, shtatorin e vitit të kaluar bashkë me Saleh Abdeslam.
Najim Laakraui
Ai gjithashtu ka marrë me qira një shtëpi për terroristët duke përdorur emrin Namur Auvelais. AND-ja e tij është gjetur në disa bomba të përdorura në sulmet e 13 nëntorit në Francë dhe konsiderohet si autor i bombave në të dy sulmet.
Laakraui është personi në të majtë në foton e shpërndarë nga policia belge për të dyshuarit e sulmit në aeroportin Zaventem. 24-vjeçari mund të ketë shkuar në Siri në vitin 2013 dhe më pas është rikthyer sërish në Belgjikë.
Ky është lajmi i tretë sot lidhur me terroristin Laakraui. Policia belge pavarësisht se pretendon se njeh ADN e tij ende nuk është në gjendje të përcaktojë nëse është gjallë apo vdekur.
