Atentati në aeroportin e Brukselit besohet të jetë kryer nga tre persona, 2 prej të cilëve hodhën veten në erë ndërsa një i tretë është larguar gjallë nga aeroporti.
Një person me xhaketë të bardhë dhe kapele të zezë, foto e të cilit u shpërnda që në mesditë nga policia belge dyshohet të jetë ende gjallë. Ai ëhstë filmuar nga kamerat e sigurisë në aeroportin e Brukselit teksa shtyn një karrocë bagazhesh në zonën e kontrollit bashkë me dy të dyshuar të tjerë, vetëm pak minuta para shpërthimit që shkaktoi 14 të vdekur.
Dy personat që dyshohet se janë bashkëpunëtorët e tij duken teksa mbajnë doreza të zeza në dorën e majtë, çka ka bërë të lindin dyshimet se nën to fshiheshin këmbëzat e bombave që shpërthyen vetëm pak minuta pas filmimit të pamjeve.
Nga shpërthimet e sotme humbën jetën 34 persona dhe 230 të tjerë u plagosën.
