Vizita e ministrit të Jashtëm shqiptar Ditmir Bushatit në Greqi ka rindezur debatet në Shqipëri. Qëndrimet dhe komentet janë të ndryshme… Midis tyre është edhe përqasja rastësore që Alba Haruni përcjell në rrjetet sociale. Duke na kujtuar se fiks 93 vjet më parë, Shqipëria përfaqësohej në Greqi nga “Mit’hat Frashëri, Alba Haruni këtë rastësi e quan paradoks…, pse sipas saj sot përfaqësohet nga Ditmir Bushati…
“Mbase është rastësore por dhe Mit’hat Frashëri pasi mori detyrën e ministrit tonë në shtetin fqinj Greqi më 1923, pikërisht me 20 mars të atij viti u takua me mbretin e asaj kohe të Greqisë. A do mundet vallë ministri ynë i sotëm të jetë në të njëjtën lartësi diplomatike me diplomatin e vyer Mit’hat Frashëri????
Ja se ç’shkruhet në shtypin e kohës:
‘Më 20 mars të po këtij viti,(1923) i dërguari i Shqipërisë, Mit’hat Frashëri u prit në një audiencë të veçantë edhe nga mbreti 33- vjeçar i Greqisë, Georges II. Gjatë bisedës mbreti Georges jo vetëm ka treguar interes për forcimin e miqësisë me Shqipërinë, por është shprehur se kishte dëshirë që të mësonte dhe gjuhën shqipe. Ndërsa në 22 mars 1923 qeveria shqiptare bën të njohur pëlqimin e saj që z. Panurjas të emërohet si ministër fuqiplotë i Greqisë në Tiranë. Ngjarja e rëndësishme e vendosjes së marrëdhënieve diplomatike mes dy vendeve fqinje është pasqyruar gjerësisht edhe nga gazetat e asaj kohe për të dy vendet’.
Ditmir ke një shembull për të ndjekur dhe një komb për të nderuar”, shkruan Alba Haruni në rrjetet sociale duke i adresuar edhe këtë apel ministrit të Jashtëm shqiptar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
