Prej orëve të para të mëngjesit të sotëm, rruga Tiranë-Elbasan është bllokuar për shkak të një kamioni me targa italiane i cili pas një defekti ka bllokuar aksin pranë zonës së tunelit pranë fshatit Ibë. Mësohet se dy korsitë e rrugët vijojnë të jenë të bllokuara, duke krijuar kështu radhë të madhe në trafik. Ndërkohë, forca të shumta policore mbërritën në vendin e ngjarjes, ndërsa u angazhuan për zhbllokimin e trafikut.
Pas shumë përpjekjesh për të gjetur një zgjidhje me një pronare të një banesë për të përdorur oborrin si rrugë, u arrit që palët të binin dakord. Tashmë të gjitha mjetet e bllokuara vijojnë të kalojnë në oborrin e kësaj banesë, pasi kamioni nuk ka lëvizur prej rrugës për shkak të defektit të rëndë. Nga ana tjetër, bëhet e ditur se për të shmangur këtë situatë, rekomandohet që automjetet të kalojnë në aksin Elbasan-Peqin për t’ju drejtuar kryeqytetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
