Ambasadorja e Mbretërisë së Vendeve të Ulta, Dewi van de Weerd, i dorëzon Çmimin “Pince Claus” zotit Fatos Lubonja në Tiranë. Fondacioni “Prince Claus” nëpërmjet anëtarëve të vet ndërkombëtarë të Komitetit të Çmimeve “Prince Claus” vendos të nderojë me këtë çmim artistë dhe individë të spikatur për punën e tyre novatore në sferën e kulturës dhe zhvillimit. Fatos Lubonja është një nga dymbëdhjetë Laureatet e vitit 2015. Kjo është hera e parë që një Çmim “Prince Claus” i është akorduar një qytetari Shqiptar.
Fatos Lubonjës i është akorduar ky çmim për vlerësimet e tij shumë të kthjellëta letrare mbi episode thelbësore të historisë shqiptare të kohëve të fundit; për ruajtjen e integritetit të tij intelektual dhe pavarësisë në rrethana ekstreme; për luftën e vazhdueshme për demokraci, të drejtat e njeriut, lirisë së fjalës dhe të drejtës për të treguar historinë e vendit të vet në një kontekst ku liria mbetet e brishtë; për zgjerimin e qëllimit të debatit publik dhe dhënien e mundësisë zërave kritikë; si dhe për t’ia thënë të vërtetën pushtetit pa pasur frikë.
Rreth Çmimeve “Prince Claus”
Çmimet “Prince Clau”s nderojnë arritjet e shquara në fushën e kulturës dhe zhvillimit. Çmimet ju akordohen çdo vit individëve, grupeve dhe organizatave veprimtaria kulturore e të cilëve ka një ndikim pozitiv mbi zhvillimet e shoqërive të tyre.
Duke ruajtur parimin themelor të Fondacionit “Prince Claus” se “kultura është një nevojë themelore”, çmimet vënë në dukje kontributet e rëndësishme në rajonet ku burimet apo mundësitë për shprehitë kulturore, produksionin krijues dhe ruajtjen e trashëgimisë kulturore janë shumë të kufizuara.
Gjatë 19 viteve Fondacioni “Prince Claus” ka mbështetur në mbarë botën lirinë e shprehjes kulturore.
Anëtarët e Komitetit të Çmimeve “Prince Claus” për vitin 2015
Bregtje van der Haak (Kryetare), Producente Filmi dhe Gazetare, Holandë
Suad Amiry, Arkitekt dhe Shkrimtar, Palestina
Salah Hassan, Profesor i Historisë së Artit Afrikan dhe Kulturës Vizuale, Sudan / SHBA
Kettly Mars, Shkrimtar, Haiti
Ong Keng Sen, Producent Teatri dhe Drejtor Artistik, Singapor
Gabriela Salgado, Kurator i Pavarur, Argjentinë / Mbretëri e Bashkuar
Fariba Derakhshani (Sekretare), Koordinatore e Programit të Çmimeve, Holandë
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
