AXHENDA/ Lulzim Basha fillon vizitën në Kosovë, takon Hashim Thacin

Kryetari i Partisë Demokratike të Shqipërisë, Lulzim Basha, nisi sot vizitën në Kosovë, gjatë të cilës do të takohet dhe do të zhvillojë takime me personalitete të ndryshme në vend.
Rreth orës 08:00, Basha ka vendosur një kurorë me lule në varrin e  Ibrahim Rugovës, në nderim të ish-Presidentit dhe me pas ka nisur një takim me Presidentin e ri të sapo zgjedhur, Hashim Thaçi.
Takime Basha do ta zhvillojë edhe me presidenten aktuale, Atifete Jahjaga, me kryetarin e Kuvendit, Kadri Veseli, me kryeministri Isa Mustafa, me kryetarin e Prishtinës, Shpend Ahmetin, me kryetarin e AAK-së, Ramush Haradinaj, me kryetarin e Vetëvendosjes, Visar Ymeri, dhe me personalitete të tjera të jetës politike dhe publike.
Basha do të bëj homazhe në memorialin e ri kushtuar Epopesë së UÇK-së dhe Komandantit Adem Jashari. Ai do të takojë pjesëtarë të familjes Jashari. 

Axhenda

08:00 – Vendosja e një kurore me lule në nderim të Presidentit Ibrahim Rugova (Kryetari pritet nga vajza dhe djali i Presidentit Rugova).
08:15 – Vizitë në familjen Rugova.
08:45 – 09:25 – Takim me Presidentin e ri të sapo zgjedhur Z. Hashim Thaçi.
09:30 – 10:25 – Takim me Kryeministrin e Republikës së Kosovës Z. Isa Mustafa
10:30 – 11:15 – Takim me Presidenten e Republikës së Kosovës Znj. Atifete Jahjaga.
11:20 – 12:00 – Takim me Kryetarin e Kuvendit të Kosovës Z. Kadri Veseli
12:10 – 12:45 – Takim me Kryetarin e Komunës së Prishtinës Z. Shpend Ahmeti
15:00 – Takimin me Komandantin e KFOR
15:45 – 16:30 – Takim dhe pritje nga Kryetari i Partisë Aleanca për Ardhmërinë e Kosovës Z. Ramush Haradinaj
16:40 – 17:20 – Takim me Kryetarin e Lëvizjes Vetëvendosja Z. Visar Ymeri – selia e Vetëvendosjes Prishtinë
16:50 – 17:25 – Takim me Kryetarin e Partisë Nisma për Ardhmërinë e Kosovës, Z. Fatmir Limaj.
Takim – me Z. Behgjet Pacolli
Prekaz  – Homazhe në memorialin e ri kushtuar Epopesë së UCK dhe Komandantit Adem Jashari. Takim me familjen Jashari.

/DRONI.al/