“Enigma e arit” u quajt rreth 22 vjet më parë nga shtypi opozitar i kohës, denoncimi për herë të parë i skandalit të largimit të thesarit të shtetit. Atëherë u bë publike edhe emri i një zvicerani, i quajtur Xhon Megou, si dhe deklarimi i tij se nga Shqipëria janë larguar rreth 10 tonë ar.
Opozita akuzoi ish-udhëheqjen e lartë dhe te korruptuar sipas saj, të Partisë së Punës që grabitën arin e shtetit. Kjo çështje e para 22 viteve më parë nuk u faktuan.
Nga rreth 10 tonë, për të cilat u fol 22 vjet më parë, sonte Artur Çani pritet të hedhë dritë nëpërmjet dokumenteve të siguruara prej tij, të pretenduara si origjinale, për transferimin e rreth 4 tonë floriri nga Shqipëria drejt Zvicrës, përgjatë vitit 1990.
Mësohet se dokumentet që do të publikohen sonte prej Artur Canit, provojnë se janë 5 dërgesa të vulosura nga Albtransporti me numër protokolli dhe gjithçka detyrim tjetër zyrtar.
Ndërkohë pas prag-zbardhjes së këtij skandali, një sërë pyetjesh pritet të marrin përgjigje
Kush e nxori jashtë vendit arin e Shqipërisë?
Ka qenë trafik apo depozitim zyrtar në një bankë të sigurt?
A ka mbetur ai i paprekur në Zvicër, dhe nëse po çdo bëhet me të? A qëndron shifra e artikuluar për 10 ton ar të larguar, nga Xhon Megou?
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
