4 adoleshentë janë arrestuar për akuzën “e vjedhjes kryer në bashkëpunim”
Seksioni për Krimet në Komisariatin e Policise Lezhë finalizoi me sukses operacionin policor “ISHULL-LEZHA”, ku si rezultat u bë e mundur ndalimi i shtetasve të mëposhtëm:
1. A.K. 16 vjeç, banues në Ishull – Lezhë
2. G.Gj. 17 vjeç, banues në Ishull – Lezhë
3. K.V. 16 vjeç, banues në Ishull Lezhë
4. E.L. 16 vjeç, banues në Ishull – Lezhë
Ndalimi i këtyre shtetasve është bërë pasi në bashkëpunim me njëri – tjetrin dyshohen se kanë kryer disa vjedhje në zonen e Ishull-Lezhës informon policia e Lezhës.
Vjedhjet për të cilat akuzohen
1. Me date 22.02.2016, dyshohet se kanë kryer vjedhjen e Kishës Ishull-Lezhë ku kanë marrë nje pompë uji, një fotokopje e markës Samsung si dhe një pjesë kabulli ndriçimi me gjatësi rreth 50 metra lineare
2. Më datë 21.02.2016, dyshohet se kanë kryer vjedhjet e banesave të shtetasve M.Gj. dhe Gj.Gj. banues në Ishull – Lezhë, të cilët janë emigrantë
3. Me datë 12.10.2015, dyshohet se kanë vjedhur me thyerje lokalin-parukeri, në pronësi të shtetases F.Gj. 35 vjeçe, banuese në Ishull Lezhë ku kanë marrë një makinë qethëse me vlerë 3000 (tre mijë) lekë dhe një shumë prej 1500 (njëmijë e pesëqind) lekë.
4. Me datë 24.10.2015, dyshohet se kanë vjedhur me thyerje një bar restorant në Ishull -Lezhë, në pronësi të shtetases Gj.K. 52 vjeçe, ku kanë marrë mallra(pije freskuese dhe alkoolike) me vlerë 30.000 lekë.
5. Me datë 25.10.2015, dyshohet se kanë kryer vjedhjen e Kishës Ungjillore në Ishull Lezhë ku kanë marrë një pajisje elektronike mikser muzike e markës Jamaha me vlerë 400 Euro dhe një projektor i markës Acer me vlerë 300 Paund.
Materialet I kaluan Prokurorisë së Rrethit Gjyqësor Lezhë për veprën penale ” Vjedhje” e kryer në bashkëpunim” parashikuar nga nenet 134/2 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
