Dhoma Amerikane e Tregtisë kundër gjobave të Doganës dhe taksave të fshehta të Qeverisë

Dhoma Amerikane e Tregtisë ka përcjellë disa shqetësime në takimin e zhvilluar me Drejtoreshën e Doganave Pranvera Fagu.
Alketa Uruçi anëtare e Dhomës Amerikane të Tregtisë ngriti shqetësimin e referencave, matjes së peshave që shoqërohen me gjoba si dhe reduktimi i orareve për kontrollet doganore veçanërisht për eksportet, “që shoqërohet me kosto shtesë për biznesin” tha ajo.
Më herët, në mënyrë të përsëritur Dhoma Amerikane e Tregtisë ka shprehur qëndrime të kundërta me sjelljet e qeverisë, për sa i përket sektorëve të Tatimeve e Doganave.
Jo më larg se dy ditë më parë Dhoma Amerikane e Tregtisë u shpreh kundër draftit të qeverisë, i dorëzuar tashmë në Kuvend, që e bën të detyrueshëm anëtarësimin e të gjitha bizneseve në Dhomën Publike të Tregtisë.
Kreu i saj, Mark Crawford shpjegoi se një nismë e tillë nuk ndihmon bizneset, por i bën ato të varura nga qeveria, teksa kuota e anëtarësimit që duhet të paguajë çdo subjekt, është në vetvete një taksë e fshehtë.
Sipas Dhomës Amerikane të Tregtisë, projektligji nuk është konsultuar me shoqatat e biznesit, të cilat do të dobësohen nga një nismë e tillë .

/DRONI.al/