Dy kunatat janë grindur me grushte midis tyre, ndërsa ka ndërhyrë burri i njërës dhe me ndihmën e motrës, protagonistja tjetër e grindjes, ka bërë për në spital grua e vet.
Ngjarja ka ndodhur në Vlorë dhe ka përfunduar, me një të plagosur dhe tre të arrestuar në polici.
Burimet e policisë lokale sqarojnë se ngjarja ka ndodhur në familje Sejdi në lagjen “Isa Boletini”.
Policia njofton se ka arrestuar Alfred Sejdi, 51 vjeç, Anila Sejdi, 47 vjeç (motra e Alfredit) dhe Rajmonda Ademi, 37 vjeç (bashkëshortja e Alfredit).
Nga hetimet rezulton se në banesën e tyre, shtetaset Anila Sejdi dhe Rajmonda Ademi, janë konfliktuar fizikisht me njëra-tjetrën, duke u goditur me grushte. Më pas ka ndërhyrë edhe Alfred Sejdi, i cili në bashkëpunim me motrën e tij Anilën kanë ushtruar dhunë fizike kundrejt bashkëshortes së tij, Rajmonda Ademit. Ajo ka marrë disa dëmtime në trup.
Për sa i përket motiveve, mësohet se ngjarja ka ndodhur për motive të dobëta për shkak të problemeve të vazhdueshme familjare dhe mosmarrëveshjeve që kishin anëtarët e kësaj familjeje midis njëri-tjetrit.
Materialet i kaluan Prokurorisë në ngarkim të këtyre shtetasve për veprat penale “Dhunë në familje” dhe “Plagosja e lehtë me dashje”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
