Ministria e Transporteve do të bëjë një rikategorizim të patentave si dhe do të ndryshojë procedurën e marrjes së saj. Nikolin Berxhiku, specialist i Drejtorisë së Sigurisë Rrugore, në një intervistë “Shqiptarja.com”, tregon ndryshimet që do të pësojë patentat. Gjithashtu sipas Berxhikut shumë shpejt patentat e vjetra do të zëvëndesohen me të reja. Por ky ndryshim nuk prek ata që sot kanë një patentë të vlefshme, por atyre që u skadon afati. Në lidhje me tarifat ai thotë se për ato nuk janë parashikuar ndryshime.
Tarifat për ata që do të marrin patentën e re do të ndryshojnë?
Tarifa nuk janë planifikuar të kenë ndryshime. Ne kemi planifikuar një ndryshim ose një formalizim të procedurave në mënyrë që të mos ketë humbje kohe, pasi janë disa pagesa që bëhen gjatë procesit të përgatitjes deri në marrjen e kartonit, të cilat do t’u mundësojnë drejtuesve të kursejnë kohë. Nuk do të kryhen disa pagesa por të jenë të grupuara, formalizim për të shkurtuar kohën. Por nuk do të ketë rritje të tarifave.
Po për rinovimet e lejes së drejtimit?
Edhe për rastet kur rinovohet leja e drejtimit do të jetë e njëta procedura, pra nuk rritet as tarifa as ndryshojnë dokumentat.
Ndërkohë për sa i përket sistemit të pikëzimit, si po aplikohet nga të dhënat që ju keni deri tani?
Mesa dimë ne, ka patur 2-3 raste që kanë humbur lejen e drejtimit dhe do kalojnë në testin e posaçëm për rifreskimin e njohurive teorike. Koha është një çik e gjatë pasi heqja e pikëve është shoqëruar edhe me pezullim të lejes së drejtimit. Pra ata që janë penalizuar me humbjen e pikëve, ka kaluar një kohë e caktuar, kemi një vit tashmë që sistemi ka filluar të zbatohet dhe kjo është një kohë e nevojshme për të humbur plotësisht pikët. Gjatë kësaj kohe janë 2-3 raste, pra ka filluar të funskionojë normalisht.
Si pritet të ndryshojnë kategoritë
Kategoritë aktuale
A, B, C, D, BE, CE, DE
Kategoritë e Reja
AM, A1, A2, A, B1, B, BE, C1, CIE, C, CE, D1, D1E, D dhe DE, ku përfshihen cikolmetrat, mjetet e lethta me katër rrota dhe mjetet e tjera
Kutia e shpejtësisë
Do ketë një rikategorizim të lejeve të drejtimit. Kategoritë bazë do të jenë po ato, por janë disa kategori të tjera që shtohen. Ndarje për mjetet që janë me kuti shpejtësie automatike apo kuti shpejtësie manuale
Procedurat
“Ndryshimet janë shumë të gjëra se sa formati i kartonit. i gjithë procesi i marrjes së patentës është rishikuar, duke filluar që nga përgatitja e kandidatëve të autoshkolla, deri në tërheqjen e patentës
Kartoni
“Tarifa nuk janë planifikuar të kenë ndryshime. Formalizim të procedurave në mënyrë që të mos ketë humbje kohe, pasi janë disa pagesa që bëhen gjatë procesit të përgatitjes deri në marrjen e kartonit”. Shqiptarja.com
