Qeveria ka nxjerrë në shitje edhe qentë zbulues të Policisë së Shtetit. Drejtoria e Administrimit dhe Shitjes së Pronës Publike, strukturë e Ministrisë së Financave, ka njoftuar se nxjerr në shitje edhe 14 qen të policisë.
Kafshët, të cilat aktualisht janë në administrim të Institutit të Përgatitjes së Qenve të Policisë, Tiranë, do të nxirren në shitje më 21 janar 2016, nga ora 9 e mëngjesit e deri në orën 15:30.
Këta janë qenë, të cilët nuk kanë kaluar provat e shkollës së trajnimit dhe nuk janë të përshtatshëm për funksione si qen policie. Sipas njoftimit të Ministrisë së Financave, ankandi do të nisë me qentë “Sena” dhe me vlerë ankandi fillestar 20 000 lekë.
Qentë më të shtrenjtë janë ata “Beta” dhe “Puma” me nga 22 mijë lekë.
Ndërsa qentë me të lirë janë ata “Stela” dhe “Tovi” me nga 8 mijë lekë. Çdo person fizik apo juridik i interesuar për blerje duhet të paraqesë në vendin, datën dhe orën e njoftuar pranë komisionit të ankandit dokumente si kërkesë me shkrim për blerje e regjistruar pranë protokollit të Ministrisë së Financave, garancinë bankare apo mandat pagesën në origjinal që vërteton ngurtësimin e 20 % të vlerës së fillimit të ankandit, në lekë për llogari të Ministrisë së Financave si dhe dokument identifikimi (pasaportë biometrike ose letërnjoftim).
Instituti i përgatitjes së qenve të policisë përgatit qen për gjetjen e lëndëve eksplozive, drogë, për gjurmë e turma, dhe së fundmi edhe për gjetjen e kufomave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
