Terror në qendër te Tiranës. Dy të rinj kanë qëlluar me armë zjarri në një zonë të banuar.
Ngjarja ka ndodhur te ish-Parku u Autobusëve.
Kanë qenë banorët e zonës të cilët kanë konstatuar dy të rinj, të cilët qëllonin me armë zjarri.
Menjëherë banorët lajmëruan policinë e cila mbërriti në vendin e ngjarjes. Ata deklaruan se dëgjuan 7 – 8 të shtëna.
Policia bën të ditur se nuk është identifikuar ndonjë i dëmtuar i mundshëm, ndërsa në vendin e ngjarjes bllokoi disa gëzhoja.
Ende nga hetimet paraprake nuk dihen shkaqet e këtyre të shtënave ndërsa po punohet për identifikimin e autorëve të mundshëm.
Terror në Tiranë, dy të rinj qëllojnë me armë zjarri te ish-Parku Autobusëve
