Kavajë, viktima la pas një fëmijë 3 muajsh. Autori i vrasjes: E vrava se më shau dhe ofendoi

Mbas ngjarjes së rëndë që ka ndodhur në Kavajë dy ditë më parë, ku autori ia ka bërë të ditur policisë kur është marrë në pyetje pas arrestimit.

Xhevdet Saraçi, 56 vjeç, qëlloi tri herë me armë pushkë 10-she fqinjin e tij 30-vjeçar, Ismet Xhani. Viktima është djali i kushërirës së parë të gruas së vrasësit, një lidhje që nuk ka shërbyer aspak për të ruajtur gjakftohtësinë. Në ditën e përcjelljes për në banesën e fundit të 30-vjeçarit që la pas një fëmijë tremuajsh, të afërmit e autorit të vrasjes kërkojnë pajtim, por nuk janë pranuar të marrin pjesë në varrim. Shqetësimi për të ardhmen duket në rrëfimin e një prej vëllezërve të autorit.

Policia e cilësoi ngjarjen për motive të dobta. Shkak ishte bërë prerja e një plepi të mbirë në kanalin mes tokave të dy familjeve. Autori mësohet të ketë thënë në polici se pushkën e kishte gjetur në kanal një muaj më parë dhe se degët e plepit prishen jonxhen dhe ai nuk i duroi dot fyerjet që iu bënë.

Autori thuhet se ka një kartelë mjekësore, ndërsa në moshë të re është liruar para kohe nga ushtria, si i paaftë për të vazhduar. Dëshmitarët thonë se një muaj më parë kishte patur një konflikt edhe me një fqinj tjetër dhe se të gjithë ja kanë njohur hobin e tij për të sajuar armë të ndryshme e për t’i përdorur një ditë.

Pas ngjarjes ai u kap nga policia, ndërsa bashkëshortja dhe vajzat ikën menjëhere, mbase nga frika e një hakmarrjeje. Policia ka marrë në ruajtje të dyja shtëpitë.

/DRONI.al/