Prokuroria, akuzë penale Rezart Taçit për mospagim të taksave në miliona euro

Prokuroria e Tiranes ka ngritur një akuzë ndaj biznesmenit Rezart Taçi për “mospagimit t taksave dhe tatimeve”. Task-forca e prokurorisë pas hetimeve disa mujore, ka arritur të gjej element të veprës penale të konsumuar nga Rezart Taçi në kohën që ishte administrator i shoqërisë “ARMO”. Sipas prokuorisë, Taçi me cilësinë e administratorit të ARMOS menjeherë pas blerjes së aksioneve nga shteti shqiptar, nuk ka paguar detyrime tatimore për disa vite, duke i sjell shteti një dëm prej miliona eurosh. BuRezart Taçi nuk ka preferuar të paraqitet në prokurori për tu njohur me provat dhe të marr dijeni për ngritjen akuzës, duke ia deleguar të gjitha këto veprime avokatit mbrojtës. Prokurorët thonë se avokati pavarësisht njohjes me akuzën nuk e ka pranuar atë, duke pretenduar se klienti I tij nuk ka konsumuar ndonjë vepër penale. Ndërkohë, mësohet se janë sekuestruar të gjitha praktikat e ndjekura nga Drejtoria e Tatimpaguesve të mëdhenjë, të cilët kanë përpiluar procesverbalet e gjobave për kompaninë “Armo” për mos pagimin e detyrimeve. Disa nga këto gjoba, janë ankimuar në gjykatë, disa të tjera rezultojnë se janë pezulluar pa ndonjë argumentim, por që në total hetuesit thonë se Rezart Taçi nuk ka paguar detyrimet shtetërore për disa vite.

Me komunikimin e akuzës ndaj biznesmenit Taçi, prokuroria thotë se shumë shpejt do mbyllen hetimet dhe do të dërgohet dosja pranë Gjykatës së Tiranës, për t;iu përgjigjur akuzës së “mospagim të taksave dhe tatimeve” ku nëse deklarohet fajtor rrezikon një dënim nga gjobë deri në 3 vjet burg. Burimet thonë se hetimet do të veçohen për ish-zyrtarët të drejtorisë së tatimeve të kryeqytetit për shkak ekzistojnë dyshime se disa prej tyre janë përfshirë në afera korruptive duke favorizuar biznesmenin Rezart Taçi, I cili tashmë ia ka shitur kompanin ARMO disa biznesmenëve Azerbajxhanas. Rezart Taçi, disa herë është përfolur në media për afera të ndryshme korruptive, që për mënyrën e privatizimit të ARMO-së, administrimin e saj e deri në shitjen e aksioneve tek azerët.