Politikat ekonomike dhe fiskale të qeverisë e kanë ulur Shqipërinë në vendin e fundit për tërheqjen ndaj biznesit të huaj por edhe vendas.
Në renditjen e revistës së njohur Forbes për klimën e biznesit gjatë vitit 2015, Shqipëria renditet në vendin e 69, e fundit në rajon. Sipas raportit, shkak janë taksat e larta, korrupsioni, problemet me pronësinë dhe sistemin gjyqësor. Nga vendet e rajonit më mirë paraqitet Maqedonia që mban vendin e 39, ndërsa lista e 144 vendeve kryesohet nga Danimarka.
Në një renditje të publikuar nga revista e njohur Forbes për vendet më të mira për të bërë biznes, Shqipëria renditet e fundit në rajon.
Klasifikimi është i dhjetorit 2015 dhe analizon faktorët që favorizojnë dhe pengojnë klimën e të bërit biznes.
Shqipëria renditet në pozicionin e 69, ndërsa më mirë në rajon është Maqedonia, që është në vendin e 39.
Pas Maqedonisë, në vendin e 44 dhe të 45 ndodhen përkatësisht Rumania dhe Bullgaria.
Sipas raportit, sistemi i komplikuar i taksave dhe kërkesave për liçenca, një sistem i dobët gjyqësor, korrupsionin endemik, zbatimi i dobët i kontratave dhe çështjeve të pronësisë, si dhe infrastruktura e papërshtatshme kontribuojnë në mjedisin e dobët të biznesit në Shqipëri dhe e bëjnë të vështirë tërheqjen e investimeve të huaja.
Raporti parashikon se vendi do të vazhdojë të përballet me sfida nga rritja e borxhit publik, që ka kaluar limitin e dikurshëm statutor prej 60% të Prodhimit të Përgjithshëm Bruto në 2013-n dhe arriti 72% në 2014.
Klasifikimi i Forbes përmban 144 vende, ku shteti më i mirë për të bërë biznes renditet Danimarka.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
