Tiranë, 350 policë sonte për të garantuar festimet, rrugët dhe sheshet që bllokohen në mesnatë

Policia e Kryeqytetit kërkon mirëkuptimin dhe bashkëpunim me qytetarët lidhur me masat e marra për të siguruar mbarëvajtjen e festimeve si edhe respektimin e rregullave të qarkullimit rrugor.
Ndërkohë ajo ka bërë ët ditur edhe masat e marra.
Lidhur me këtë, Policia e Kryeqytetit bën të ditur se, në zbatim të planit të masave të hartuar për mbarëvajtjen, sigurimin e rendit dhe qetësisë publike për festimet e ditës së ndërrimit të te viteve do të  angazhojë rreth 350 efektivë policie në terren të cilët do të mbikëqyrin e kontrollojnë situatën në të gjithë Tiranën duke shmangur çdo incident të mundshëm.
Do të ketë kontrolle të vazhdueshme në gjithë territorin e Tiranës, për drejtuesit e automjeteve të cilët drejtojnë mjetin në gjendje të dehur.
Nga ana e Policisë në bashkëpunim me shërbimet e Policisë Bashkiake dhe shërbimi zjarrfikëse do të ushtrohen kontrolle dhe nuk do të lejohet tregtimi dhe përdorimi i lëndëve piroteknike jashtë kritereve ligjore.
Nisur nga aktiviteti që Bashkia e Tiranës, do të organizojë në sheshin “Nënë Tereza”, do të merren disa masa shtesë duke mos lejuar përdorimin e lëndëve piroteknike nga ana e qytetarëve, pasi Bashkia e Tiranës ka marrë masa për sigurimin e fishekzjarrëve të cilat do të hidhen në festimin e orës 00:00.
Gjithashtu njoftohet se do të behet bllokimi i disa segmenteve rrugore duke mos lejuar parkimin dhe kalimin e automjeteve:

Do të bllokohet segmenti rrugor:
“Ura e Lanës” deri te sheshi “Nënë Tereza”, nga ora 22:00 e mbrëmjes së datë 31.12.2015 deri në përfundim të aktiviteti.

Në varësi të situatës pritet të bëhet edhe bllokimi i sheshit “Skëndërbej”, duke mos u lejuar kalimi i automjeteve.

/DRONI.al/