Pas vendimit të Këshillit Bashkiak për rritjen e çmimit të biletës me 30 %, pra në 40 lekë ka reaguar Shoqata e Transportit. Përfaqësuesit e saj deklarojnë se nuk janë dakord për këtë çmim por gjithsesi ata shprehen se nuk do të bllokojnë transportin në janar.
“Nuk do të ketë bllokim të shërbimit në janar. S’jemi dakord me çmimin 40 lekë të biletës. Nuk është indeksuar aboneja e studentit”, shprehen përfaqësues të Shoqatës së Transportit.
Ata lënë të hapur sërish mundësinë për ndryshimin e çmimit, pasi deklarojnë se do të negociojnë me kryetarin në 3 muajt e parë të 2016.
Shoqata e Transportit: Bileta 40 lekë, nuk jemi dakord por nuk do të bllokojmë shërbimin
