Klajdi Gjeci me precedentë penalë

Klajdi Gjeçi i cili u mor peng te farmacia 10 ne Tiranë është person me precedentë penalë dhe i skeduar nga policia në të paktën 2 raste

Më 12 maj të këtij viti, Gjeçi ka plagosur me levë në kokë një person për shkak të një sherri për një femër.

Ndërsa në fillim të vitit 2011 është arrestuar me pistoletë.

Më 2 shkurt 2011 gjykata dha vendim për hetim në gjendje të lirë me argumentin se pistoleta nuk plotësonte kriteret e armës së zjarrit.

Sipas policisë, më 14 shtator 2015, çështja ndaj Gjeçit është pushuar pasi i dëmtuari ka bërë deklaratë noteriale ku tërheq padinë.

Rasti i plagosjes me leve (/web/I_ngacmoi_te_dashuren_plagos_me_leve_djalin_e_biznesmenit_2165_1.php)

Policia e Tiranës ka prangosur një 28­vjeçar të konsideruar si person me rrezikshmëri të lartë. I arrestuari është shtetasi Klajdi Gjeçi, i skeduar disa herë nga Policia e kryeqytetit. Gjeçi është vënë në pranga nga

shërbimet e Komisariatit nr.2, pasi kishte plagosur rëndë duke goditur me levë hekuri në kokë një 18­vjeçar, pasi dyshonte se i kishte ngacmuar të dashurën.

Të paktën kështu ka pretenduar në Polici pas shoqërimit, edhe pse oficerët e Komisariatit nr.2 e shohin më tepër si një justifikim nga ana e tij, ndonëse nuk është mohuar as nga ana e të plagosurit.

Burimet thanë se Klajdi Gjeçi akuzohet se mbrëmjen e së martës, në rrugën “Komuna e Parisit”, ka goditur me levë duke i shkaktuar plagë të rënda, shtetasin Mateo Zoga, 18 vjeç, djali i një biznesmeni, i cili ndodhet i shtruar në një spital privat, tashmë jashtë rrezikut për jetën.

Nga ana e shërbimeve të Komisariatit nr.2 u bë sekuestrimi i pamjeve filmike të lokalit para të cilit ndodhi ngjarja, ku duket qartë goditja e adoleshentit, nga Klajdi Gjeçi, person me precedentë të mëparshëm penal.

Denoncimi është bërë nga vetë i plagosuri, i cili edhe pse i gjakosur është paraqitur për të bërë

kallëzim në Polici. Më pas ai është dërguar me urgjencë në spital për të marrë ndihmën e nevojshme mjekësore.

Burimet thanë se Klajdi Gjeçi ka zbritur nga makina menjëherë sapo ka parë Maeto Zogën, para një lokali te “Komuna e Parisit”. Pa asnjë paralajmërim, ai ka dalë duke mbajtur një levë në dorë dhe menjëherë ka goditur në kokë 18­vjeçarin. I plagosuri ka tentuar të largohet që t’i shpëtojë goditjes duke u futur

brenda lokalit, por Gjeçi e ka ndjekur edhe brenda, duke e qëlluar edhe disa herë të tjera, më pas është larguar.

Menjëherë pas kallëzimit shërbimet e Komisariatit nr.2 janë vënë në ndjekje të të dyshuarit, i cili është ndaluar te rruga “Komuna e Parisit”. Në momentin kur efektivët po i vinin prangat, vëllai i të plagosurit është afruar duke e qëlluar me gur autorin, i cili ka bërë sikur ka humbur ndjenjat duke u rrëzuar në tokë. Më pas është ngritur duke u futur në një supermarket që t’i shpëtonte arrestimit, por edhe pas rrëmujës, u bë i mundur arrestimi i tij.

/DRONI.al/