“Delek Grup”/Rama negocion me një kompani nafte si Bankers në Izrael

Shteti shqiptar është pranë finalizimit të një marrëveshje me grupin më të madh të gazit dhe naftës në Izrael, “Delek Grup”, përfaqësuesit e të cilës mbërrijnë në Shqipëri në fillim të vitit 2016.

Lajmi është njoftuar nga kryeministri Edi Rama në ditën e dytë dhe të fundit të tij në Tel Aviv.

“Ne jemi në finalizim të një marrëveshje të rëndësishme për të pasur në Shqipëri edhe grupin më të madh izraelit në fushën e naftës dhe gazit, “Delek Group” që do të fillojë besoj nga viti i ardhshëm të eksplorojë në territorin e Shqipërisë dhe në një sërë fushash të tjera si turizmi apo bujqësia ku ka një interes të veçantë nga ana e investitorëve këtu në këtë vend”.

Në fakt qeveria shqiptare ka nisur një konflikt në Shqipëri me kompaninë më të madhe në vend për nxjerrjen e naftës Bankers. Kompania kanadeze u detyrua të deklarohej pak javë më parë për reduktimin e prodhimti deri në nëpreprjen e tij në rast se nuk gjendje një marrëveshje me qeverinë shqiptare për zhbllokimin llogarive të saj si rezultat i pretendimti të qeverisë se kompania mund të kishte fshehur rreth 60 milioën euro taksa.

Kreu i qeverisë shqiptare është ndaluar dhe te çështja e Kosovës. Ai tha se qëndrimi i Izraelit ne raport me shtetin me te ri ne Ballkan nuk lidhet drejtëpërdrejtë me të por me një realitet kompleks në Izrael.

“Përsa u përket çështjes së Kosovës është e qartë që qëndrimi izraelit nuk lidhet drejtpërdrejtë me Kosovën, por me kompleksitetin e një situate që nga krijimi i shtetit të izraelit në raport me Palestinën. Besoj që kjo është një çështje që do të shkojë paralel edhe më çështjen që lidh votën e izraelit me njohjen e shtetit të Kosovës”, tha Kryeministri Rama.

Ndërkohë, kryeministri Rama ka zhvilluar takime me presidentin, kryetarin e parlamentit, kreun e opozitës si dhe kryebashkiakun e Jeruzalemit. Shefi i qeverise vizitoi edhe memorialin kushtuar viktimave te holokaustit e me pas u ndal edhe tek Bazilika e Varrit te Shenjte te Krishtit si dhe Te Muri i Lotëve.

/DRONI.al/