Një minoren shqiptar me inicialet L. R., i moshës 17 vjeç është arratisur ditën e diel nga burgu për minorenët në qytetin e Milanos.
Nga hetimet e para ndaj kësaj ngjarje supozohet se shqiptari ka kapërcyer një mur të lartë 9 metra në pikën ku ai kryqëzohej më një portë hekuri e më pas ka kërcyer mbi një çati ndërtese duke humbur gjurmët.
Sipas mediave italiane supozohet se djaloshi shqiptar nuk ka reaguar i vetëm por është ndihmuar nga persona që e prisnin jashtë por dhe nga shokë të tij minorenë brenda burgut të cilët në momentin që ai arratisej kanë hutuar rojet.
17-vjeçari shqiptar L. R., prej dy muajsh ishte mbyllur në këtë qendër edukimi pasi ishte arrestuar me akuzën e trafikut të drogës.
Një ditë para arratisjes familja e tij, prindërit dhe i vëllai e kishin takuar në vizitën e radhës në burg.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
