Shqiptarët po vazhdojnë të kërkojnë me shifra të larta azil në BE, kryesisht në Gjermani. Kjo është evidentuar nga shifrat që janë publikuar nga agjencia Europiane për statistika, “Eurostat”, e cila në raportin e tremujorit të tretë ka renditur Shqipërinë në vendin e katërt nisur nga numri i kërkesave për azil. Në vendet të para janë respektivisht Siria, Afganistani dhe Iraku, vende të cilët janë prekur nga një luftë civile.
Sipas zyrës së statistikave të BE-së, nga 413.800 persona që kanë kërkuar azil në një vend të Bashkimit Evropian nga 1 korriku deri në 30 shtator, 6 % ose rreth 25.000 veta vijnë nga Shqipëria. Kjo është një rritje drastike me tremujorin paraardhës, ku rreth 17.000 shqiptar kërkuan azil në vendet të Bashkimit Europian.
Vetëm në ketë vit mbi 60.000 Shqiptar kanë kërkuar azil në vendet të Bashkimit Europian, pa pasur ende shifrat për muajin nëntor dhe dhjetor. Kjo po ashtu përben një rritje të madhe, pasi në 2014 ka pasur 25.000 kërkesa për azil. Shumica e shqiptarët kanë kërkuar azil në Gjermani, por sipas statistikave azilkërkuesit shqiptarët tashme preferojnë destinacione të tjera.
Me shifrat e fundit të publikuara, kërkesat për azil nga shqiptarët janë në rritje në Holandë, Finlandë, Belgjikë, Greqi, Suedi dhe Francë.
