Coby Persin 21 vjeç ka bërë një eksperiment social në rrugë. I riu kishte veshur një xhaketë dhe mbi të kishte ngjitur kartëmonedha me prerje të ndryshme, ndërkohë që në dorë mbante një pankartë, ku thuhej “Merrni aq sa keni nevojë”.
Eksperimentin ai e ka bërë në fund të muajit nëntor në rrugët e Nju Jorkut. Atij i janë afruar burra me kostum dhe kollare, gra të veshura me rroba të shtrenjta dhe që mbanin çanta firmato. Në pamje të parë, askush prej tyre nuk dukej se kishte nevojë për para, por nuk hezituan që të merrnin para.
“Nuk më duhen, por janë falas. Kush nuk do ta kishte bërë”, përgjigjet një burrë që i shkëput kartëmonedhat njëra pas tjetrës. “Nesër do të bëj thonjtë”, shprehet një grua bionde. Në fund të ditës, Coby takon një djalë të pastrehë, së bashku me qenin e tij. Ishte i vetmi që mori vetëm dy kartëmonedha, që sipas tij do të ishin të mjaftueshme për të ngrënë. “Ke sukses në jetë, vetëm kur ajo që dëshiron në të vërtetë është vetëm ajo që ke nevojë”, shkruan Coby në përfundim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
