Fotomontazh, Shyqyri Çoku – Sami Repishti
Askush më shumë se një ishi dënuar në burgjet e komunizmit, i torturuar nëpër dhomat e hetuesisë nuk mund ta ndiejë dhimbjen e plagëve të vjetra dhe fyerjen kur mëson se xhelatët e tij tashmë varin në gjoks “Medalje mirënjohjeje”.
Një ndër ta është edhe Sami Repishti, të cilin fati i keq e çoi në duart e hetuesit Shyqyri Çoku, një prej të dekoruarve, që Repishti e kujton qysh në kohët kur atë e thërrisnin “Rreshter Shyqi”, e ua thyente drurin në kurriz të dënuarve.
Në një intervistë për “Panorama” ai tregon se e ka njohur atë që u bë xhelati i tij edhe më parë, në moshë të re dhe e cilëson si tip rrugaçi.
“E kam njohur që kur ka qenë i ri, por nuk kam pasur shoqërim me të. Ishte tip rrugaçi. Nuk besoj se ka luftuar me armë në dorë për arsye të moshës”, thotë Repishti.
Ai tregon se “Kanë qenë vëllezërit Gavoçi, kaporinia komunistë në Shkodër, dhe dajat e tij që e kanë promovuar për të bërë karrierë në Sigurim. Personalisht kam ngrënë disa shkopinj dhe grushte e shkelma pothuajse të përditshme për afër 24 muaj hetuesie”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
