Tre nxënëse të shkollës së mesme në Durrës janë aksidentuar mëngjesin e sotëm nga një automjet teksa shkonin në shkollë.
Ngjarja është regjistruar rreth orës 08:00 në lagjen Nr. 14 të qytetit ku shtetasi Mirand Bulku 34 vjeç, duke drejtuar mjetin tip BMW me targa DR 1228 ka aksidentuar K. Gj., D. B., S. Sh., të tria të moshës 17 vjeçe dhe banuese në Durrës.
Si pasojë e përplasjes, 3 adoleshtet kanë marrë plagë dhe janë transportuar në spitalin rajonal për mjekim.
Burime nga bluzat e bardha bëjnë me dije se nxënëset ndodhen jashtë rrezikut për jetën.
Ndërkohë policia ka bërë shoqërimin në komisariat të drejtuesit të mjetit.
Grupi hetimor i ngritur për çështjen po punon për zbardhjen e plotë të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
