Foto Ilustruese
Një tjetër shtetas i huaj me dokumente false, është arrestuar mbrëmjen e kaluar në aeroportin e Rinasit. Burimet zyrtare të Policisë Kufitare sqarojnë se në orët e mbrëmjes së kaluar, është ndaluar në hyrje të Republikës së Shqipërisë në Pikën e Kalimit Kufitar në Rinas, Aboubacar Doumbia 20 vjeç, lindur e banues në Bamako-Mali. Ky person ka paraqitur si dokument udhëtimi në kabinat e kontrollit policor në Rinas, pasaportën e tij maleze me një vizë Shqiptare e tipit C me afat vlefshmërie nga data 17. 11. 2015 – 16. 02. 2016 e lëshuar më datë 11. 11. 2015 nga Konsullata Shqiptare në qytetin e Kajro-Egjipt e dyshuar si e falsifikuar.
Nga ana e policisë u bë sekuestrimi i dokumenteve të udhëtimit, si edhe u bë vendimi për ekspertim teknik i dokumenteve të cilat janë dërguar në DPSH për ekzaminim të mëtejshëm.
Materialet do t’i kalojnë Prokurorisë së Rrethit Gjyqësor Tiranë, për veprën penale “Falsifikim i letërnjoftimeve, i pasaportave ose i vizave”, parashikuar nga neni 189 në ngarkim të shtetasit Aboubacar Sidiki Doumbia, i cili është dorëzuar në dhomat e paraburgimit të Drejtorisë së Policisë së Qarkut Tiranë në dispozicionin e Prokurorisë, sqaruan të njëjta burime të policisë.
