Pjesëtarë të familjes Cali kanë reaguar një ditë pas vendimit të Gjykatës së Lartë për ndryshimin e masës së sigurisë për ish-deputetin Armando Prenga.
“Jemi të tronditur nga vendimi i Gjykatës. Vendimi konfirmon faktin se nuk jepet drejtësi.
Dje na u dha një tjetër goditje e rëndë, pasi u lirua autori që gjuajti me armë në komisariat, ndërkohë që të dëmtuarit mbahen në burg. Na u tha, ju që jetoni me djersë dëmtoni shoqërinë. Na u tha, jeni shembull i keq në këtë shoqëri. Shteti na goditi më 4 shtator, e ndërsa dje shteti politik na goditi me padrejtësi e manipulime.
Të veshurit me pushtet i lejoi të pastrojnë provat, i vuri në dispozicion ekspertizën e drejtësinë, ndërsa ne na la në baltë të vetëm kundrejt pushtetit”, shprehet familja Cali.
Pak muaj më parë, ish-deputeti Prenga pati një konflikt me vëllezërit Cali në afërsi të Komisariatit të Kurbinit, ku nuk kurseu as përdorimin e armëve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
