Policia e Tiranës arrestoi dje një shtetas në kërkim ndërkombëtar, I dënuar nga gjykata e Genoas, Itali për veprën penale “Vjedhje me armë”. Sipas policisë së Tiranës, i arrestuari është Mir (Dashnor) Kotarja, i njohur si bashkëpunëtori i Bledar Zefit, në Itali. Bledar Zefi është personi i arratisur ditën e djeshme nga mjediset e Komisariatit nr. 3. Edhe ky akuzohet për të njëjtën vepër penale, si edhe Mir (Dashnor) Kotarja.
Burime të policisë lokale, saktësuan se mbi bazën e informacioneve të marra në rrugë operative, u kap dhe u ndalua me qëllim ekstradim drejt shtetit të Italisë, shtetasi në kërkim ndërkombëtar Mir (Dashnor) Kotarja, 34 vjeç, banues në Tiranë.
Ky shtetas ishte i shpallur në kërkim nga Zyra Qendrore e Interpol Tiranës, pasi Gjykata e Hetimeve Paraprake të Genoas, ka lëshuar urdhrin e arrestit datë 10. 07. 2015, për veprën penale, “Vjedhje me armë”, parashikuar nga legjislacioni penal Italian.
Materialet do ti kalojnë Prokurorisë së Rrethit Gjyqësor Tiranë, për hetime të më tejshme
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
