Francesco Beccheti, i akuzuar në Shqipëri për pastrim parash, është ndaluar në Angli.
Burime të Policisë bëjnë të ditur se i kërkuari është ndaluar për llogari të Shqipërisë në Londër.
Mësohet se Beccheti është ndaluar disa ditë më parë, por sot është bërë publike.
Gjykata londineze ka dhënë “ok” ekstradimi, por meqenëse nuk a marrëveshje e ka lënë në vullnetin e tij të kthehet brenda muajit dhjetor. Për momentin e kanë lënë arrest shtëpie Becchetin.
Në bazë të legjislacionit në Britaninë e Madhe, Becchettit i është komunikuar vendimi për ekstradim, me detyrimin që të kthehet në Shqipëri brenda muajit dhjetor, në të kundërt ai do të kthehet forcërisht nga autoritetet britanike, nëse nuk kthehet brenda afatit.
Francesco Beccheti, akuzohet për përfshirje në një skemë të pastrimit të parave përmes koncesionit të ndërtimit të hidrocentralit të Kalivaçit në Shqipëri. Kompania “KEG”, e Francesco Becchetit, kishte kontraktuar kompaninë e së ëmës, “Energji”. Të dyja së bashku nëpërmjet manovrave financiare, për 5 vite rresht nga 2007 deri në 2013, kanë përfituar në mënyrë të paligjshme miliona euro, të cilat më pas i kanë investuar në shoqëritë “Cable System”, “400KV” dhe “Fuqi”, të administruara po prej tyre, në bashkëpunim edhe me dy persona të tjerë.
Hetimet paraprake flasin për 6 milionë euro detyrime të papaguara tatimeve në Shqipëri.
Ndalohet në Angli Francesco Beccheti, ekstradimi në Shqipëri në dorën e tij
