Vrasësi i dyfishtë Sokol Mjacaj ka dëshmuar sot në gjykatën e Shkodrës rreth vrasjes së dy turistëve cekë pak muaj më parë.
Gjakftohtë ai ka shpjeguar se si u mori shpirtin dy personave të pafajshëm të cilët e morën në makinë.
Isha ne shtepi me babain dhe vellane, nderkohe dola jashte dhe mora edhe automatikun. Nga ora 14.00 thashë të dal të grabis ndonjë turist, ka nisur rrëfimin e tij Sokol Mjacaj. Vrasësi ka përshkruar takimin me turistët cekë dhe më pas udhëtimin me ta. Në fillim iu kërkova telefonat që të mos merrnin policinë, tha ai ndërsa ka mbajtur armën të drejtuar kryesisht tek djali që po i jepte makinës.
Kur arretime ne Prekal shoferi shtoi shpejtesine ndersa vajza vuri rripin.
Vajza ceke më kërkoi mëshirë ndërsa shoferi deshi të më merrte armën dhe e qëllova.
Sipas Mjacaj ai ka ekzekutuar vetëm djalin ndërkohë që vrasja e vajzës është bërë pas një shkrepjeje të pavullnetshme të armës përgjatë rrokullisjes së makinës. “Tek vajza arma u shkrep gjatë rrokullisjes”, tha ai. Ai tha se ka dale nga makina nepermet dritares dhe duke ikur i ka mbetur brenda atletja. Vendosa te largohesha ne Shkoder. Kur kam kaluar prape nga vendi i vrasjes pashe nje person qe po therriste ne telefon.
Mjacaj ka provuar të mbjellë keqardhje tek trupi gjykues duke iu kërkuar mëshirë. “Këkoj mëshirë dhe falje , vrasjen e bëra për arsye ekonomike. Jam penduar për atë që kam bërë” , ka thënë Mjacaj duke tregura edhe gjendjen e rëndë ekonomike në familjen e tij.
