Këngëtari i njohur Sherif Merdani ka mohuar disa nga çështjet që
Alida Hisku ngre në një libër autobiografikë ku fletë për vuajtjet në burgjet komuniste. Sipas saj
gratë janë përdhunuar masivisht, madje aty janë treguar me detaje abuzimet seksuale të të dënuarave. Por ndryshe nga Alida Hisku, ish-koleg i saj i viteve ’70 që ka qënë i burgosur për gati dy dekada, Sherif Merdani, thotë që histori të tilla janë sajesa
Në një intervistë për gazetën “Panorama”, këngëtari fitues i shumë çmimeve në festivalet e RTSH-së shprehet se “përdhunimet kanë qenë të pamundura, sepse edhe vetë ‘xhelatët’ e sistemit kishin frikë se mos dikush spiunonte dhe arrestoheshin e përfundonin njësoj në birucë.” Duke i konsideruar deklaratat e saj spekulative, Sherif Merdani madje vë në dyshim edhe burgosjen e Alida Hiskut. Sipas tij, ajo ka qenë në internim, por nuk është dënuar me burg. “Ne të burgosurit politikë të gjithë e njohim njëri-tjetrin”, thotë ai.
“Kjo ka qenë e pamundur, sepse edhe vetë “xhelatët” e sistemit kishin frikë se mos dikush spiunonte dhe arrestoheshin e përfundonin njësoj në birucë. Për mua, deklaratat e Alidës nuk janë aspak të vërteta dhe jane spekulative. Por mendoj se e ka më tepër që të bëjë bujë me librin në Gjermani, se ata si popull kanë dëgjuar plot histori me fashizmin, por për komunizmin kanë dëgjuar më pak dhe janë “të etur” për rrëfime të tilla, të reja. I bie pra që ka shkarë… Ju mund të pyesni shumë si unë, që kanë vuajtur hetuesinë dhe dekada në burg. Mund të pyesni dhe kolegët e mi të nderuar, avokat Spartak Ngjelën dhe publicistin Fatos Lubonja, që një gjë e tillë ishte krejt e pamundur. Ajo ka qenë në internim, por nuk është dënuar me burg. Ne të burgosurit politikë të gjithë e njohim njëri-tjetrin, e dimë për çfarë jemi akuzuar, sa vite burg kemi bërë dhe ku e kemi bërë. Kemi pasur shokë nëpër burgje. Le të dalë ndonjë femër dhe të thotë që e ka pasur Alidën shoqe në burg”, është shprehur këngëtari i njohur Sherif Merdani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
