Specialistët e Seksionit Kundër Krimit Ekonomiko – Financiar në Drejtorinë Vendore të Policisë Lezhë, kanë ndaluar dje 31-vjeçarin Julian Pergega, banues në Rreshen – Mirditë, me detyrë përmbarues gjyqësor privat.
Sipas burimeve të policisë lokale, mësohet se ky përmbarues, në datën 18. 10. 2015, në Shëngjin Lezhë, te një shtëpi e pushimit ka filluar ekzekutimin e detyrueshëm të Vendimit mbi lëshimin e urdhrit të ekzekutimit të Gjykatës së Rrethit Gjyqësor Tiranë në të njëjtën ditë që ka bërë lajmërimin për ekzekutim vullnetar, pa kaluar afatet e parashikuar nga neni 517 i Kodit Procedurës Civile.
Ky person ka vendosur sekuestro konservative mbi disa sende të kësaj shtëpie pushimi, mbi bazën e kallëzimit të shtetasit T. S. 53 vjeç,i cili kishte marrë me qira.
Materialet procedurale i kalojnë Prokurorisë së Rrethit Gjyqësor Lezhë për veprën penale “Shpërdorim i detyrës” parashikuar nga neni 248 i Kodit Penal.
Lezhë, arrestohet një përmbarues gjyqësor privat për “shpërdorim detyre”
