Vendi ku u grabit kambisti
Autorët e qëlluan dhe i morën 8 milionë lekë
Tre ditë pas grabitjes dhe plagosjes me armë të kambistit, Artur Çepele në Fier, policia ka arrestuar një prej të dyshuarve si autorë të grabitjes dhe një bashkëpunëtor të tyre.
Burimet e policisë lokale, bëjnë të ditur se kanë arrestuar Kreshnik Berishën, 34 vjeç, lindur dhe banues në Tiranë për veprën penale të “Vjedhjes me armë në bashkëpunim dhe “Mbajtjes pa leje te armëve luftarake” dhe Dritëro Lajthia, 43 vjeç, banues në Tiranë, për veprën penale të “Sigurimit të mjeteve për vjedhje”.
Arrestimi i tyre u bë gjatë finalizimit të operacionit të koduar “Porosia”.
Nga ana e policisë vijon për kapjen e autorëve të tjerë në ngjarje.
Kambisti Artur Çepele u grabit dhe plagos nga dy persona me datë 16 tetor në zonën Sheq i Madh në Fier.
Çepele banor i Roskovecit po kthehej nga Tirana, ndërsa u sulmua në rrethrrotullimin e Sheqit të Madh, në hyrje të qytetit.
Në cilësinë e provës materiale policia ka sekuestruar
1. Një automjet i tipit “Mercedes Benz”, me targe AA 949 KR,
2. Tre telefona celulare të markave të Apple dhe Samsung,
3. 750 euro dhe 5200 lekë të reja.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
