Drejtoria e Aluiznit në Durrës ka deklaruar sot se tenderi për verifikimin e ndërtimeve pa leje u bë pasi ishin verifikuar një numër shumë i madh ndërtimesh pa leje, ose ndryshe pasi i kanë verifikuar kanë bërë edhe një tender për verifikim!
Nuk ka asnjë fjalë për procedurën, konfliktin e interesit dhe shpjegime rreth të dhënave që janë mbledhur për ndërtimet pa leje në vite qoftë me specialistë në terren, qoftë nëpërmjet vetdeklarimeve e qoftë nëpërmjet fotografimit dixhital.
Ja cfarë thuhet ndër të tjera në deklaratë:
“Shuma e prokuruar (50 milionë lekë pa TVSH) nuk është subjektive por përcaktohet mbi bazën e të ardhurave të realizuara nga vetë drejtoria jonë dhe eshte e miratuar nga Drejtoria e Pergjithshme e ALUIZNI-t, Ministria e Zhvillimit Urban dhe Agjencia e Prokurimit Publik ne Regjistrin e Parashikimit te Prokurimeve Publike per vitin 2015.
Edhe kostoja e evidentimit faktik në terren, për çdo njësi, është e përcaktuar shprehimisht me VKM nr. 860, datë 10.12.2014.
Për shkak të përgjegjësisë së madhe të dokumentacionit që do të prodhohet nga subjektet, në specifikimet teknike kërkohet një nivel i lartë i kualifikimit teknik për operatorët ekonomikë të cilët do të marrin pjesë në këtë prokurim.
Mbi këtë bazë zonat e prokuruara nga Drejtoria jonë përfshihen në njësinë administrative Rrashbull në fshatrat Rromanat, Arapaj, Shkallnur, Rrashbull, Xhafzotaj dhe Shënavlash.
Nëpërmjet kësaj procedure prokurimi do të arrihet të realizohet vetëm në dy muaj, kryerja e procedurave evidentuese dhe perpunuese per rreth 3700 objekte informale në terren. Për të kuptuar dimensionin e kësaj shifre, mjafton të themi se gjatë gjithë periudhës 2006-2013 nga kjo drejtori për gjithë qarkun Durres ishin kryer gjithsej 5500 verifikime në terren, edhe këto të pashoqëruara me përpunim dokumentacioni dhe p keto te shume viteve me pare.
Gjithashtu nje fakt domethënës është se në të gjithe ish Komunen Rrashbull, ishin vetem 36 matje dhe leje të dhëna për gjithë periudhen 2006-2013në reth 8000 vetëdeklarime”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
