Kallëzimin ndaj meje nuk e ka bërë KLSH por Partia Demokratike, tha ministri Damian Gjiknuri fill pas publikimit nga droni.al të padisë që kishte bërë KLSH në Prokurorinë e Përgjithshme, ndërkohë që shtoi që në marrëveshje u përfshinë tre ministra dhe jo vetëm ai që është paditur sot në Prokurori të Përgjithshme.
Sipas tij ky institucion është përdorur politikisht nga opozita. Marrëveshja e arritur është më e mira për sektorin energjetik të Shqipërisë e cila është përshëndetur nga të gjithë.
“KLSH është vënë në shërbim të mazhorancës së djeshme. Raporti i tij nuk bën asgjë më shumë vecse përsërit akuzat e PD kundër marrëveshjes. Në verdiktin e KLSH nuk citohet asnjë ligj. Ky është kallëzim i PD-së ndaj qeverisë shqiptare”, tha Gjiknuri.
Ai bëri një analizë të shifrave sipas të cilit nuk kanë humbur 490 milionë euro sic pretendon KLSH. Një pjesë e madhe e tyre sipas Gjiknurit janë në formën e borxheve që po i mbledh OSSHEE.
Gjiknuri tha se nuk ka qenë vetëm ai në këtë marrëveshje por edhe dy ministra të tjerë duke lënë të kuptohet se është padie njëanshme ajo që ka ngritë KLSH vetëm për emrin e tij.
Së pari referuar pretendimit për 95 milionë euro të humbura ministri tha se kjo shofer nuk është e bazuar në dokumentacion.
Ndërsa lidhur me 352 milionë euro ai tha se ka shifër tjetër lidhur me këtë detyrim. Detyrim total i CEZ është një 29 miliardë lekë pa penalitete dhe nëse zbresim edhe 10 miliardë lekë që kishin institucionet buxhetore shqiptare e zbret atë në 19 miliardë lekë ose 130 milionë euro. Këto të fundit kompensohet nga humbjet në rrjet që po mblidhen aktualisht si fatura ta papaguara nga ndërmarrja energjetike.
