Ka përfunduar pjesa e parë e ndeshjes së futbollit Shqipëri – Armeni, në kryeqytetin armen, Jerevan. Me rezultatin pozitiv,në avantazh të dy golave, kundrejt asnjë goli të Armenisë, Shqipëria ndodhet vetëm 45 minuta larg finaleve të Europianit “Francë 2016”.
Ka qenë një pjesë e parë e mirë për Shqipërinë. Tregues i kësaj janë jo vetëm golat, por edhe loja.
Lojtarët ishin të qetë dhe falë përgatitjes taktike dhe teknike, arritën që të shënojnë dy herë, si edhe të mbrojnë këtë rezultat.
Goli i parë për ekipin tonë u shënuar në minutën e 9 të pjesës së parë. Ishte Roshi i cili gjuajti drejt portës armene, topi u ndal ndalet nga mbrojtja, Cikalleshi e shtyn më tutje në zonë, aty ku një futbollist armen, Hovhannisyan, në dyluftim me Gashin shkaktoi autogol.
Në minutën e 23 Shqipëria dyfishoi rezultatin.
Këtë herë ka qenë Gjimshiti që pas ekzekutimit të një faulli nga ekipi ynë, topi mbërriti në këmbët e tij, (Gjimshitit), i cili godet dhe shënon në krahun e majtë të sulmit tonë.
Minutat e tjera nuk patën ndonjë rast për të shënuar.
Pjesa e parë, minutë pas minute
2′ Kuqezinjtë marrin topin, tentojnë të depërtojnë në gjysmëfushën e vendasve me anë të Bashës, por largojnë rrezikun armenët.
6′ Goditje dënimi për Armenët, Berisha shpëton portën për mrekulli.
8′ Skuadra Armene qarkullon topin, krijon rast goli, por nuk ja del. E rimarrin topin kuqezinjtë
9′ GOOOOOL! Roshi gjuan drejt portës, topi ndalet në murin armen, Cikalleshi e shtyn më tutje në
15′ Djemtë e De Biazit qarkullojnë topin, pasime të shpejta, por nuk arrijnë të depërtojnë në zonën e vendasve.
21′ Cikalleshi niset i vetëm drejt portës, gjuan fuqishëm por pret portieri armen.
23′ GOOOOOL! Aksion i kuqezinjëve, Gjimshiti realizon golin e dytë për skuadrën.
31′ Kundërsulmojnë kuqezintë me anë të Roshit, por ndërhyn mbrojtja armene.
34′ Kundërsulmojnë armenët, vihet në rrezik porta e Berishës, por Gashi largon topin nga zona.
40’ minuta lojë, kuqezinjtë luajnë më mirë,krijojnë raste dhe provojnë të gjejnë hapësirë për të realizuar golin e tretë, por nuk finalizojnë me sukses.
45′ Tension në fushë, kuqeiznjtë shpëtojnë nga pësimi i golit. Xhaka përplaset me njërin nga lojtarët armenë. Pizzeli godet fuqishëm drejt portës, por topi përfundon jashtë kuadrati, asnjë rrezik për gardianin Berisha.
