Një shtetas shqiptar është arrestuar në flagrancë në Padova, gjatë një grabitjeje me dhunë në një banesë.
Emiljan Shelna, 31 vjeç, hyri në shtëpinë e një familjeje që jeton në katin e parë të një pallati në Padova. Familjarët u zgjuan dhe vrapuan për të parë se çfarë po ndodhte në kuzhinë. Shqiptari në moment kapi fëmijën 10-vjeçar të çiftit dhe i vuri në fyt thikën që mbante në dorë, shkruan “Corriere della Sera”
Por Shelna nuk e kishte vënë re që çifti kishte edhe një vajzë tjetër, 15 vjeç, e cila doli menjëherë nga shtëpia e telefonoi policinë.
Karabinierët e zonës shkuan menjëherë në vendngjarje, dhe autori i surprizuar nga policët, lëshoi për një moment fëmijën, dhe pikërisht në atë moment karabinierët e netraulizuan dhe arrestuan 31-vjeçarin.
Më pas djali 10 vjeç u dërgua në dhomën e urgjencës për shkak të frikës dhe tronditjes së madhe nga ngjarja. E gjitha familja është mirë, raportojnë mediat italiane.
Gatishmëria dhe gjakftohtësia e vajzës 15-vjeçare bëri që policia të mbërrinte menjëherë duke kapur në flagrancë hajdutin, dhe shpëtuar të gjithë familjen.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
