Vazhdon kthimi i azilantëve shqiptarë nga Gjermania. Ambasada gjermane njoftoi sot se 395 persona do të riatdhesohen gjatë kësaj jave.
Oraret e fluturim janë publikuar dhe bëhet me dije se që prej ditës së sotme do të nis kthimi i azilkërkuesve. Sot vjen një grupi i parë prej 75 personash, që do të pasohet me grupe të tjera në datat 7-8-9 tetor.
Pas sirianëve shqiptarët janë të dytët që po emigrojnë më shumë në Gjermani, duke kaluar edhe serbët edhe kosovarët me kërkesat për strehim dhe punësim.
Në 7 muajt e parë të vitit në Gjermani emigruan mbi 38 mijë shqiptarë nga Shqipëria. Pas tyre vijnë 33 mijë shqiptarë nga Kosova dhe 20 mijë serbë, 10 mijë nga Mqedonia dhe 5 mijë nga Bosnja.
Numri i emigrantëve shqiptarë në Gjermani u rrit gjatë gushtit deri në 8 mijë e 300 vetë, gati njëlloj sa sirianët ose 4 herë më shumë se sebët, ndërkohë që emigrimi i Kosovës dhe Maqedonisë shënoi ulje të lehtë.
Kryeministri Edi Rama tha se Gjermania ka nevojë për punonjës të shkolluar me profesione, si shkolla profesionale e infermierëve që u përurua dje.
Datat e fluturimeve
Në datën 06.10, ora 14:35 – rreth 75 persona
Në datën 07:10, ora 14:10 – rreth 140 persona
Në datën 08:10, ora 13:45 – rreth 80 persona
Në datën 09.10, ora 13:40 – rreth 100 persona
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
