Një fushatë betonizimi duket se ka rinisur në Tiranë. Deklaratat e para fushatës elektorale të Edi Ramws, se “edhe New York-u prej betoni është”, po gjen “drejtimin e duhur” nga Erion Veliaj, që pas zgjedhjeve lokale të 23 qershorit të këtij viti.
Ndërkohë, banorët, nga halli dhe nga marazi, ironizojnë me “Tiranën si New York-u” dhe denoncojnë betonizimin qytetit.
Parid Flaga, një banor i bllokut “Vasil Shanto”, u kthye një ditë nga puna dhe ndërsa doli si përherë te ballkoni i tij, mësoi dhe pa me sytë e tij, se së shpejti aty ku ishte një rrugë, do të ndërtohet një pallat.
“Ciklopin do e ndërtojnë te rruga ku duhet të kalonin njerëzit, te ajo rrugë që nuk është asfaltuar kurrë dhe ku përditë sa herë që shkoja në pune balta me kujtonte ‘mjaltin’ e qytetit tim. Tani s’do kem më balte, por një mal të ri betoni i cili do më ndihmoje të fle deri nga ora 2 e drekës sepse mbase atëherë do mund ta shohim diellin, me kësmet… A ka qytetar ky shtet, a ka qytetar kjo administratë, a kanë qytetarë këto institucione apo vetëm derra me fytyrë sokrati”, shpërthen dhe denoncon Parid Flaga, ndërsa publikon edhe foton bashkëngjitur.
Një tjetër qytetar, Adnand Leskaj, shprehet se ajo që po ndodh te Blloku “Vasil Shanto”, nuk është rast i vetëm, ndërsa sjell dhe denoncon si shembull, masakrën sipas tij, që po i bëhet Selitës.
“Hajde shikoni si po tjetërsohen kodrat e Selitës dhe ky i gjati thotë që i kam pezulluar ndërtimet ku na mbytën kamionët dhe betonieret në mes të ditës duke ndotur gjithë Selitën dhe policat e bashkisë hipin nëpër ato përbindësha duke i shoqëruar dhe duke i bërë karshillëk banoreve. Turp për këtë kryetarin e ri të bashkisë që flet për pastërti dhe për këtë lagje që po e masakrojnë për ditë”, denoncon Adnand Leskaj.
FOTO – FUSHATË BETONIZIMI/ Te “Vasil Shanto” po mbin një pallat në rrugë, në Selitë policët bashkiakë shoqërojnë betonieret
