DOKUMENTI/Ja, betimi në marrëveshjen CEZ-Shqipëri!

Është një moment që nuk është bërë publik asnjëherë lidhur me marrëveshjen që u arrit në Vjenë në pranverën e vitit 2014 mes CEZ dhe Shqipërisë. Ende pa u miratuar në parlament marrëveshja ajo kishte përcaktuar se të dy palët nuk do të fajësonin njëra tjetrën lidhur me gjithë historinë e marrëdhënieve mes CEZ dhe Shqipërisë. Ajo cfarë u votua më pas në Parlament në formën e një ligji në fakt ishte paravendosur në Vjenë duke konsideruar një formalitet kalimin ën Parlament të garancisë që CEZ nuk do të ndiqej ndonjëherë nga Shqipëria për problemet që kishte shkaktuar.

Marrëveshja që u arrit mes Shqipërisë dhe CEZ në 24 qershor në Vjenë në zyrat e Komitetit të Energjisë kishte për kumbarë pikërisht njërin prej zyrtarëve më të lartë të këtij institucioni ndërkombëtar, Dirk Buschle, zëvendës drejtor i Sekretariatit të Komunitetit të Energjisë.

Deklarat e shtypit publikuar me këtë rast zbulon se sa xhentëlmenë kanë qënë përfaqësuesit e palës shqiptare.

Ja teksti i marrëveshjes:

“Deklaratë e përbashkët për shtyp e CEZ Group dhe Republika e Shqipërisë

Palët e listuara më poshtë njoftojnë se sot ato kanë arritur një marrëveshje miqësore për zgjidhje.

Arritja e marrëveshjes është rezultat i bisedimeve të gjata në mirëbesim dhe me vullnet të mirë nga palët me ndërmjetësimin e Z. Dirk Buschle, zëvendës drejtor i Sekretariatit të Komunitetit të Energjisë në Vjenë, Austri. Negociatat u mbajtën në ambientet e Sekretariatit të Komunitetit të Energjisë.

Marrëveshja zgjidh të gjitha pretendimet në mes Grupit CEZ nga njëra anë dhe Republikës së Shqipërisë, nga ana tjetër, në lidhje me investimet e CEZ në CEZ Shpërndarje dhe në sektorin e energjisë në Shqipëri.

Duke u mbështetur në ligjet e vendit termat e marrëveshjes do të zgjidhen përgjatë procesit deri në përfundim të miratimit të saj nga autoritetet kombëtare.

Të dyja palët zotohen se marrëveshja nuk përmban asnjë përgjegjësi për asnjërën palë.”

Faksimile e tekstit të deklaratës në anglisht

/DRONI.al/