Presidenti Nishani për letrën e Brahos: Nuk ka rrezik të sigurisë kombëtare por ka elementë hetimi

Presidenti i Republikës, Bujar Nishani ka deklaruar se ka marrë një letër nga Kryetari i Komisionit të Sigurisë në Parlament, Spartak Braho por se letra nuk ka ndonjë element të rrezikimit të sigurisë kombëtare apo destabilizimit. “Kam marrë një letër pardje dhe letrën ia kam adresuar për veprim Prokurorit të Përgjithshëm dhe Shërbimit Informativ. Për sa kohë këtë letër ja kam adresuar për ndjekje institucioneve ligjzbatuese nuk mund ta bëj publike”, tha ai gjate nje interviste me gazetaren Ilva tare. Por Nishani tha se ka elementë që duhen ti nënshtrohen verifikimit si në kuptimin institucional, emra konkretë dhe vende konkrete.

Nishani sqaroi se letra i është drejtuar drejtëpërdrejtë Kryeministrit të vendit, ndërsa atij i është drejtuar për dijeni. Nuk besoj se ka ndonjë element që rrezikon sigurinë kombëtare. Jam i bindur që ajo mund të hetohet, tha Nishani.

Presidenti Nishani duke folur për krizën politike në vend tha se koalicioni referuar deklaratave të drejtuesve të tij po funksionon por nëse lind nevoja për zgjedhje të parakohshme, ka procedurë për to. Zgjedhjet e parakohshme vendosen nga Parlamenti dhe partitë politike. Nëse do të vendoset për to natyrisht une do të zbatoj procedurën e duhur, tha Nishani.

Nishani nuk komentoi raportin sekret të OSBE, por vetëm theksoi pikëpamjen e OSBE për të. Por nëse drejtësia gjen që ka elementë për hetim është cështjen e saj, tha ai. Por largimi i OSBE nga vendi do të ishte gabim fatal nga ana e shtetit shqiptar, gjë që nuk besoj të ndodhëm tha Presidenti i Republikës.

Lidhur me përgjimin e jetës private të Presidentit ai tha sa ata që kanë kryer këtë veprim kanë bërë gabim fatal për të përgjuar jetën e Presidentit dhe do të përballen me ligjin. Kjo do të cojë drejt një investigimi dhe hetimi pasi është hetuar në mënyrë të paligjshme ndaj jetës time private. Kjo është kurajo shumë e madhe antiinstitucionale. Nuk e di kush është por hetimi do ta nxjerrë, tha Nishani.

/DRONI.al/