Një aksident automobilistik ka ndodhur sot në mëngjes, me pasojë përplasjen e dy automjeteve dhe 5 të plagosur. Aksidenti ka ndodhur në aksin rrugor Lushnjë – Berat, në afërsi të fshatit Kashtëbardhë. Ka qenë një kamionçinë me targa AA 783 LZ dhe një furgon “Taksi” me targa AA 546 T që janë përplasur midis tyre. Për pasojë janë plagosur 5 persona që udhëtonin me këto mjete.
Pas ndihmës mjekësore, të dëmtuarit janë jashtë rrezikut për jetën.
Nga hetimet paraprake, për sa i përket shkaqeve të këtij aksidenti, dyshohet se ka qenë përgjumja e drejtuesit të kamionçinës.
FOTO/ Lushnje, përgjumet shoferi, përplaset kamionçina me furgonin në Kashtëbardhë, 5 të plagosur
