Fatmir Kajolli, personazh i njohur në Fier, ka thyer arrestin shtëpiak dhe është përfshirë në një zënkë. Kjo ka qenë arsyeja që biznesmeni të bjerë në prangat e policisë.
Sipas burimeve të policisë lokale, mësohet se 47-vjeçari Fatmir Kajolli u ndalua jashtë shtëpisë së tij duke shkelur kështu vendimin e gjykatës për arrest shtëpie. Po sipas këtyre burimeve një natë më parë ka goditur për motive të dobëta një shtetas me inicialet A. L. Ngjarja ka ndodhur në fshatin Daullas në një pikë karburanti në pronësi të Kajollit.
Biznesmeni ishte lënë në arrest shtëpie pas ngjarjes së ndodhur në KZAZ 57 gjate zgjedhjeve te 21 qershorit ku akuzohej për dhune ndaj një numëruesi.
Fier, përfundon në birucë Fatmir Kajolli, theu arrestin shtëpiak rrahu edhe një person
