Një 38-vjeçar i ka dhënë fund jetës duke u vetëvarur me litar në banesën e tij. Ngjarja ka ndodhur në Tiranë, ndërsa viktima është 38-vjeçari Julian Hako, i cili dyshohet se e ka ndërmarrë aktin e rëndë në kushtet e depresionit.
Babai i viktimës, Bardhyl Hako akuzon shtetin për vdekjen e djalit të tij.
“Shteti është përgjegjës për vdekjen e djalit tim. I kanë marrë banesën dhe nuk ia kthyen, ndaj vrau veten Juliani. Këtu nuk ka shtet, ka marrë fund gjithçka”, thotë Bardhyli.
Mësohet se shkak për vetëvrasjen është bërë zgjatja pa fund e proceseve gjyqësore për rikthimin e banesës 34 metra katrorë në rrugën “Irfan Tomini” në kryeqytet, e cila i është zaptuar familjes Hako pa të drejtë në kohën kur ishin në emigrim. Banesa pa dijeninë e familjes Hako është shitur dhe rishitur të paktën 5 herë. Në vitin 2004 Bardhyl Hako, babai i Julianit hap proces gjyqësor për rikthimin e banesës që i kishin marrë pa të drejtë.
Pas 11 vitesh përplasjesh familja Hako nuk ka gjetur zgjidhje, megjithëse procesi i ka kaluar të 3 shkallët e gjykimit. Në kushtet e një depresioni për shkak të mos gjetjes së zgjidhjes, 38-vjeçari i ka dhënë fund jetës.
Tiranë, i rishitën banesën 5 herë, 38-vjeçari vetëvaret me litar
