Violeta Geca është emri i punonjës se bashkisë që goditi një ditë më parë kryetarin Erion veliaj dhe shefen e kabinetit të kryetarit. Ajo është nënë e 4 fëmijëve dhe u punësua në bashkinë eTiranës para 4 vitesh dhe punonte në amgazinën e bashkisë. Gjatë takimeve të Bashës me qytetarët ndërso konkuronte për bashkinë e Tiranës, Geca ra në sy për pyetjet e vështura që bënte dhe guximin për të debatuar me kandidatin demokrat.
Më përpara ajo kishte punuar në supermarketin gjerman që qëndroi hapur për disa vjet në tek kthesa e Kamzës.
Sherri nisi kur Geca mori në dorë letrën se i ndërpriteshin marrëdhëniet në punë dhe për këtë arsye mund të bënte një takim me drejtorin e Përgjithshëm të Shërbimeve Mbështetëse, znj. Itena Ndroqi, ditën e hënë, datë 28 shtator. Por Geca ka kërkuar takim në paradhomën e kryebashkiakut Erion Veliaj dhe më pas ka hyrë pas debatesh në zyrën e këtij të fundit. Ajo i ka kërkuar shpjegime, pse po largohej nga detyra, pasi ishte thjesht një specialiste magazine që mbante një familje me bukë me punën e saj. “Shkova të kërkoja sqarime nga kryetari i Bashkisë për arsyen e largimit tim nga detyra. Ai më kërkoi të dilja jashtë. Brenda ka qenë edhe shefja e kabinetit. Dhe në moment nxehje e sipër, duke më treguar gjykatën e në tone të acaruara, kam pasur dhe celularin në dorë dhe e kam goditur me të dyja duart në faqe. Dhe normalisht ai u shty, por ndërkaq, edhe më ka goditur. Gjërat ndodhën shumë shpejt”, shprehet Geca për cityneës. Pas rezistencës për të dalë, kryetari i Bashkisë të Tiranës ngrihet dhe e kap për krahu Violeta Gecën, për ta nxjerë me forcë nga zyra. Ajo ka reaguar me të dyja duart e saj, duke ia plasur të dy shpullat në fytyrë. Veliaj është përgjigjur duke e goditur në kokë, por menjëherë ka hyrë shoqëruesi i tij, duke e kapur për krahësh dhe duke bllokuar Violetën, e cila në largim e sipër duke reaguar godet edhe shefen e kabinetit. Për këtë veprim Violeta është shoqëruar në Komisariatin Nr. 1 të Policisë në Tiranë, ku është mbajtur për të paktën një orë. Mësohet se Erion Veliajt nuk ka bërë asnjë denoncim dhe ka kërkuar që Violeta të lirohet, ndërkohë që Violetës ende nuk i është krhyer telefoni që i ka mbetur në zyrëne kryetarit të Bashkisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
